தளவாய்புரம், கிருஷ்ணா நகர், வன்னியங்காடு, புதுார் ஆகிய பகுதி மக்களுக்கு அந்த ஓட்டுச் சாவடி ஒதுக்கப்பட்டிருந்தது. 1,027 ஓட்டுகள் உள்ள அந்த சாவடியில், 173 ஓட்டுகள் நீக்கப்பட்டிருந்தன.

இதுகுறித்து தாசில்தார் பாலா மற்றும் அதிகாரிகளிடம் பாதிக்கப்பட்டவர்கள் புகார் அளித்தனர். இவர்களின் பெயர்கள், கடந்த நவம்பர் மாதத்தில் நீக்கப்பட்டு உள்ளது. அவர்கள் தான் முறையிட்டு பெயரை சேர்த்து இருக்க வேண்டும் என பதில் அளித்தார்.

ஓட்டுகள் நீக்கப்பட்ட தகவல் பரவியதும், அ.தி.மு.க., வேட்பாளர் சிவசாமி வேலுமணி அங்கு சென்றார். பாதிக்கப்பட்டவர்களிடம் அவர் விபரங்களை கேட்டறிந்தார்.