அதன் ஒரு பகுதியாக கோவில் ராஜகோபுரம் திருப்பணிக்கான பாலாலயம் கடந்த ஆண்டு பிப்ரவரி மாதம் நடந்தது. இதனையடுத்து 16 கோடி ரூபாய் மதிப்பில் ராஜகோபுர திருப்பணிகள் துவங்கி நடந்து வருகிறது. 137 அடி உயரமும், 9 நிலைகளை கொண்ட ராஜகோபுரம் புதுப்பிக்கும் பணிகள் தீவிரமாக நடந்து வருகிறது. இந்நிலையில், ராஜகோபுரத்தின் 9 கலசங்கள் ஆகம விதிப்படி பூஜை செய்யப்பட்டு தனியாக பிரித்து கழற்றி, கீழே கொண்டுவரப்பட்டு புதுப்பிக்கும் பணிகள் துவங்கியது. கோபுர கலசத்திற்குள் இருந்த மருந்து பொருட்கள் வரகு, நவமணிகள் அதன் தன்மை மாறாமல் அப்படியே இருந்தது கண்டு அனைவரும் ஆச்சரியமடைந்தனர். இப்பணிகள் விரைவில் நிறைவடையும் என எதிர்பார்க்கப்படுகிறது.