கும்பாபிேஷகத்துக்காக, வெள்ளியங்கிரி, மேட்டுப்பாளையம் பத்ரகாளியம்மன் கோவில், பவானி கூடுதுறை, அவிநாசிலிங்கேஸ்வரர் கோவில்களில் இருந்து, இன்று தீர்த்தம் எடுத்து வரப்படுகிறது. நாளை, விநாயகர் பூஜை, 6ம் தேதி விக்னேஷ்வர பூஜை, முதல்கால பூஜைகள் துவங்குகின்றன.

வரும், 6ம் தேதி மாலை, 3:00 மணிக்கு, சாமளாபுரம் சோழீஸ்வரர் கோவிலில் இருந்து, செண்டை மேளம், அலகுவீரர்கள் கத்திபோடும் நிகழ்ச்சி, காவடியாட்டம், வாணவேடிக்கையுடன் ஊர்வலம் துவங்குகிறது. மாலை, 6:00 மணிக்கு இரண்டாம் கால வேள்வி பூஜை நடைபெறுகிறது.

விழாவில், 7ம் தேதி காலை, மூன்றாம் கால வேள்வி பூஜையும், மாலை நான்காம்கால யாக வேள்வி பூஜையும் நடக்கிறது. மாலை 5:30 மணிக்கு, குபேர முருகன் பிரதிஷ்டை செய்யும் நிகழ்ச்சியும், இரவு, 7:00 மணிக்கு, ஐந்தாம்கால வேள்வி பூஜையும் நடக்கிறது. 8ம் தேதி அதிகாலை, 4:30 மணிக்கு, ஆறாம்கால வேள்வி பூஜை நடக்கிறது.

அன்றைய தினம் காலை, 8:30 மணிக்கு மேல், 10:00 மணிக்குள், வலம்புரி விநாயகர், மாகாளியம்மன், சவுடேஸ்வரி அம்மன், ராஜநாக மகாமுனி, மகாமுனி, நவக்கிரஹம், குபேர முருகர் கும்பாபிேஷகம் நடைபெற உள்ளது. தொடர்ந்து, பக்தர்களுக்கு அன்னதானம் நடக்கிறது. விழா ஏற்பாடுகளை ஸ்ரீசவுடேஸ்வரி அம்மன் அறக்கட்டளை, இளைஞர் நற்பணி மன்றம், குமாரபாளையம் பொதுமக்கள் செய்து வருகின்றனர்.