திருப்பூர்:'சட்ட விரோத பணப்பரிமாற்றம் செய்தால் சிறைக்குச் செல்ல நேரிடும்' என, ரிசர்வ் வங்கி சார்பில், எச்சரிக்கை விழிப்புணர்வு ஏற்படுத்தப்பட்டு வருகிறது.பணப்பரிவர்த்தனை அனைத்தும் முற்றிலும் டிஜிட்டல்மயமாகிவிட்ட பின், பல்வேறு மோசடிகளும் நடந்து வருகின்றன. பல்வேறு கவர்ச்சிகர விளம்பரங்கள் வாயிலாக மக்களிடம் இருந்து பணத்தை பெற்று, பின், மோசடி செய்வது, போலி சலுகை அறிவிப்பு, வெளிநாட்டு லாட்டரி பரிசு என்பது போன்ற பல மோசடிகள் நடக்கின்றன; பலரும் பணத்தை இழந்து தவிக்கின்றனர்.