மகளிர் மருத்துவ நிபுணர் பிரபலதா பேசியதாவது:

இந்தியாவில் மிகவும் பொதுவான புற்றுநோயாக மார்பக புற்றுநோய் மாறி உள்ளது. இன்றைய உணவு பழக்கவழக்கங்கள், கலப்பட உணவுகள் உள்ளிட்டவற்றால், அதிகப்படியான பெண்களுக்கு இந்த மார்பக புற்றுநோய் ஏற்படுகிறது. இந்நோய் இருப்பதே பலருக்கும் தெரிவதில்லை. அமைதியாக இருக்கும் இந்த புற்றுநோய் ஆட்கொல்லி நோயாக மாறுகிறது. ஆரம்ப கட்டத்திலேயே தெரிந்து கொண்டால், இதை எளிதில் குணப்படுத்த முடியும். தாமதமாக கண்டறியப்படுவதால், சிகிச்சைக்காக பல லட்சங்கள் செலவு செய்வதுடன், சிகிச்சையும் பயனற்று போகும் வாய்ப்பு உள்ளது. மார்பு பகுதியில் கட்டி அல்லது புடைத்தல், உருவம் அல்லது உணர்வில் மாற்றம், தோளில் குழி ஏற்படுதல் உள்ளிட்ட பல்வேறு அறிகுறிகள் மார்பக புற்றுநோய் இருப்பதை உறுதிப்படுத்துகிறது. ஆனால், பெண்களுக்கு இது குறித்து போதிய விழிப்புணர்வு இல்லை. பெண்கள், இது குறித்து பரிசோதித்துக் கொள்ள வேண்டியது இன்றுள்ள சூழலில் மிகவும் அவசியம். இவ்வாறு பிரபலதா பேசினார்.

மருத்துவர் ஹேமலதா சிறப்புரை ஆற்றினார்.