காங்கயம் நகராட்சி கவுன்சிலர்கள் கூட்டம் நேற்று நகராட்சி கூட்ட அரங்கில் நடந்தது. இதில், பங்கேற்று பேசிய வார்டு கவுன்சிலர்கள் பலரும், தங்கள் வார்டு பகுதியில் குப்பைகள் முறையாக அகற்றப்படாமல் தேங்கிக் கிடக்கிறது; குப்பை அகற்றும் பணியில் பெரும் தேக்கம் நிலவுகிறது எனத் தெரிவித்தனர்.

மேலும், பொது இடங்களில், பாலிதீன் கழிவுகள் தீ வைத்து எரிக்கப்படுகிறது; கழிவு நீர் சாக்கடை கால்வாய்கள், துார் வாரி சுத்தம் செய்யப்படாமல், கழிவு நீர் தேங்கி நிற்கிறது. இதனால், கொசு உற்பத்தி, துர்நாற்றம், தொற்று நோய் பரவும் அபாயம் ஆகியன உள்ளது என்றும் தெரிவித்தனர்.