வழக்கமாக, திருப்பூர், பல்லடம் ரோட்டில் உள்ள தெற்கு உழவர் சந்தைக்கு கண்டியன் கோவில், பொங்கலுார், சம்மந்தம்பாளையம், பெருந்தொழுவு, கணபதிபாளையம், உகாயனுார், பல்லடம் உள்ளிட்ட பகுதிகளில் இருந்து, 60 முதல், 80 டன் காய்கறி, தக்காளி சந்தைக்கு விற்பனைக்கு கொண்டு வரப்படும்.

தொடர் மழை காரணமாக நேற்று, 55 டன் காய்கறி மட்டுமே வந்தது. தக்காளி வரத்து சற்று குறைந்த போதும், வாடிக்கையாளர் வருகை குறைவு என்பதால், கிலோ, 26 ரூபாய்க்கு விற்றது.

வரத்து இன்றும் குறைந்தால், ஓரிரு நாளில் விலை மாறுபாடு இருக்கும் என உழவர் சந்தை அதிகாரிகள் தெரிவித்தனர்.