ஆனால், மர விவசாயிகள் அவ்வளவாக பாதிக்கப்படுவதில்லை. தண்ணீர் பற்றாக்குறை மட்டுமே மரம் வளர்ப்பில் ஈடுபட்டுள்ள விவசாயிகளுக்கு பெரிய பாதிப்பை ஏற்படுத்துகிறது.

கோவை, திருப்பூர் மாவட்ட பகுதிகளில் விவசாயிகள் தென்னையை பிரதானமாக பயிரிட்டு வருகின்றனர். பூச்சி தாக்கு தல், தண்ணீர் பற்றாக்குறை உள்ளிட்ட பல சவால்களை சந்தித்தாலும் இந்த ஆண்டு தேங்காய் வரலாறு காணாத அளவு விலை உயர்ந்துள்ளது.

ஒரு காய் அதிகபட்சமாக தோப்புகளிலேயே, 40 ரூபாய் வரை கொள்முதல் செய்யப்படுகிறது. அதிலிருந்து கிடைக்கும் தொட்டி மூன்று ரூபாய்க்கும், உரிமட்டை இரண்டு ரூபாய், கொப்பரை கிலோ, 240 ரூபாய்க்கும் விலை போகிறது.

இதனால் வியாபாரிகள் தேங்காய்க்கு அதிக விலை கொடுத்து வாங்குகின்றனர். விவசாயிகள் தற்பொழுது எண்ணெய் வித்து பயிரான தென்னையின் பக்கம் தங்கள் கவனத்தை திருப்பி உள்ளனர்.

எண்ணெய் வகைகள், 60 சதவீதம் வெளிநாட்டிலிருந்து இறக்குமதி செய்யப்படுகிறது. இதனால் வருங்காலத்திலும் எண்ணெய் வித்துப் பயிர்களுக்கு பிரகாசமான எதிர்காலம் இருக்கும் என்பதில் ஐயமில்லை.

இதனால் போதுமான அளவு நீர் வளம் உள்ள விவசாயிகள் தென்னை நடவுப் பணியில் மும்முரமாக ஈடுபட்டுள்ளனர்.