UPDATED : அக் 15, 2026 12:00 AM
ADDED : அக் 14, 2026 09:36 PM
பல்லடம்: பிரதம மந்திரி சோலார் மின் திட்டம் தொடர்பான சிறப்பு முகாம்கள், காங்கயம், பல்லடம், தாராபுரத்தில் இன்று முதல் 17ம் தேதி வரை நடக்கின்றன. ஒரு கிலோவாட்டுக்கு ரூ.35 ஆயிரம், 2 கிலோவாட்டுக்கு ரூ.70 ஆயிரம், 3 கிலோவாட்டுக்கு ரூ.1 லட்சம் வரை மானியம் வழங்கப்படுகிறது.
காங்கயம் அரிசி ஆலை உற்பத்தியாளர்கள் கட்டடத்தில் இன்று, பல்லடம் உடுமலை ரோடு சரஸ்வதி மஹாலில் நாளை, தாராபுரம் பிஷப் தோர்ப் கல்லுாரியில் 17ம் தேதி காலை 10:00 முதல் மதியம் 1:00 மணி வரை முகாம் நடக்கிறது. காங்கயத்தில் இன்று மதியம் 2:30 முதல் மாலை 5:30 மணி வரை விளக்கக் கூட்டமும் நடக்கிறது.
காங்கயம், வெள்ளகோவில், முத்துார், பல்லடம், பொங்கலுார், தாராபுரம், மூலனுார், குண்டடம் பகுதிகளைச் சேர்ந்தோர் மின் கட்டண ரசீது, ஆதார் அட்டை நகலுடன் பங்கேற்கலாம் என, பல்லடம் மின்வாரிய மேற்பார்வை பொறியாளர் கலைச்செல்வி தெரிவித்துள்ளார்.
