படியூர், ஒட்டப்பாளையத்தை சேர்ந்தவர் சிவராஜ். இவருக்கு சொந்தமான கிணற்றில் நேற்று மதியம் வனப்பகுதியில் இருந்து வழிதவறி வந்த புள்ளி மான் ஒன்று, எதிர்பாராத விதமாக கிணற்றுக்குள் விழுந்தது. உடனே, அக்கம்பக்கத்தினர், காங்கயம் தீயணைப்பு நிலையத்துக்கு தகவல் அளித்தனர். விரைந்து வந்த அவர்கள், 50 அடி ஆழமுள்ள கிணற்றுக்குள் இறங்கி, கயிற்றின் மூலமாக உள்ளே விழுந்த மானை மீட்டு வெளியே கொண்டு வந்தனர். பின், மானை பத்திரமாக அடர்ந்த வனப்பகுதியில் கொண்டு சென்று விட்டனர்.