திருமுருகன்பூண்டி திருமுருகநாதசுவாமி கோவில் அருகே அமைந்துள்ள திருமுருக வள்ளலார் கோட்டத்தில், காலை, 7:00 மணிக்கு, கொடியேற்றமும், அதனை தொடர்ந்து ஜோதி ஏற்றி வைக்கும் நிகழ்ச்சியும், அகவல் பாராயணமும், அன்னதானமும் நடந்தது. இதுதவிர, அவிநாசியில் உள்ள வீர ஆஞ்சநேயர் கோவில் வளாகத்தில், காலை, 11:00 மணி முதல்,அன்னதானம் நடந்தது.

சேவூர் கல்யாண வெங்கட்ரமண சுவாமி கோவிலில், காலை, 10:00 மணிக்கு அகவல் பாராயணமும், தொடர்ந்து அன்னதானமும் நடந்தது. திருப்பூர் ஆலாங்காடு வள்ளலார் கோவிலில், காலையில் ஜோதி வழிபாடும், அகவல் பாராயணமும், அன்னதானமும் நடந்தது. திருப்பூர் மாவட்டத்தின் பல்வேறு பகுதிகளில், வள்ளலார் வழிபாடும், அன்னதானமும் நடந்தது.