மாவட்ட விளையாட்டு மற்றும் இளைஞர் நலன் அலுவலர் அறிக்கை:

முதல்வர் கோப்பைக்கான மாவட்ட மற்றும் மண்டல அளவிலான தடகளம் மற்றும் குழு விளையாட்டுப் போட்டி, வரும், 25ம் தேதி துவங்கி, அடுத்த மாதம், 10ம் தேதி வரை நடக்கிறது. இதில், 12 முதல், 19 வயது வரையுள்ள பள்ளி மாணவ, மாணவியர்; 17 முதல், 25 வயது வரையுள்ள கல்லுாரி மாணவ, மாணவியர்; 15 முதல், 35 வயது வரையுள்ள பொதுப்பிரிவினர் மற்றும் அனைத்து வயது அரசு ஊழியர், மாற்றுத் திறனாளிகளுக்கான விளையாட்டுப் போட்டிகள் நடத்தப்படுகிறது. போட்டிகள் அனைத்தும் காலை, 7:00 மணிக்கு துவங்கும்.

இணைய தளத்தில் ஏற்கனவே பதிவு செய்தவர்கள் மட்டும் போட்டியில் பங்கேற்க முடியும். நேரடியாக பதிவு செய்யும் முறை கிடையாது.

கூடுதல் விவரங்களுக்கு, மாவட்ட விளையாட்டு அலுவலகத்தை, 0421-2244899 என்ற எண்ணில் தொடர்பு கொள்ளலாம்.