திருப்பூர்: வேலைவாய்ப்பு அலுவலகத்தில் பதிவு செய்து, ஐந்து ஆண்டுகள் தொடர்ந்து புதுப்பித்து, எந்த வேலைவாய்ப்பும் கிடைக்காத படித்த இளைஞர்களுக்கு, தமிழக அரசு மாதாந்திர உதவித்தொகை வழங்கிவருகிறது. பத்தாம் வகுப்பு தேர்ச்சி பெற்ற மற்றும் தேர்ச்சி பெறாத மாற்றுத்திறனாளிகளுக்கு மாதம் 600 ரூபாய்; பொதுப்பிரிவினர் தேர்ச்சி பெறாதவர்களுக்கு 200; தேர்ச்சி பெற்றவர்களுக்கு 300 ரூபாய். பிளஸ் 2 மற்றும் அதற்கு சமமான கல்வித்தகுதியுள்ள பொதுப்பிரிவினருக்கு 400; மாற்றுத்திறனாளிகளுக்கு 750; பட்டதாரி மற்றும் முதுநிலை பட்டதாரிகளுக்கு 600 ரூபாய்; மாற்றுத்திறனாளிகளுக்கு ஆயிரம் ரூபாய் வழங்கப்படுகிறது.