இரு வாரம் முன் கேரளா சென்ற குடும்பத்தினர், நேற்று அதிகாலை 5:00 மணிக்கு அங்கிருந்து காரில் அரச்சலுார் நோக்கி சென்று கொண்டிருந்தனர். காலை, 8:30 மணியளவில் திருப்பூர் மாவட்டம், காங்கேயம், நத்தக்காடையூர் அருகே சென்றபோது திடீரென கார், சாலையோர புளியமரத்தில் மோதியது.

இதில், ராஜா, ஜானகி மற்றும் ஹேமா நேத்ரா சம்பவ இடத்திலேயே பரிதாபமாக இறந்தனர். படுகாயங்களுடன் போராடிய மவுனா ஷெரினை அருகிலிருந்தோர் மீட்டு திருப்பூர் அரசு மருத்துவமனையில் அனுமதித்தனர். காங்கேயம் போலீசார் விசாரிக்கின்றனர்.