காலேஜ் ரோட்டில் இருந்து சாமுண்டிபுரம் ரிங் ரோடு செல்லும் வகையில் பாலம் பணி முடிந்துள்ளது. இது, பாலத்தின் வடபகுதி. கோர்ட் வழக்கு காரணமாக, காலேஜ் ரோட்டில் இருந்து மங்கலம் ரோட்டுக்கு செல்லும் வகையில் பாலம் பணி முடியாமல் உள்ளது. இது, பாலத்தின் தென்பகுதி.

இந்த பாலம் பயன்பாட்டுக்கு வந்தால் மங்கலம் ரோட்டில் இருந்து வரும் வாகனங்கள் காலேஜ் ரோட்டுக்கு எளிதாக செல்ல முடியும். இதனால், நெரிசல் குறையும் என, எதிர்பார்க்கப்பட்டது.

துணை மேயர் பாலசுப்பிரமணியம் முயற்சியால், வழக்கு தொடுத்தவர்களில் சிலர், வழக்கை திரும்ப பெற முன்வந்தனர்; இதையடுத்து, நில அளவீடு பணி நடந்தது.நெடுஞ்சாலைத்துறை (திட்டங்கள்) பிரிவு அதிகாரிகள் கூறுகையில், 'பாலம் கட்டும் பணியில் இருந்து ஆட்சேபனைகள் அனைத்தும் சரிசெய்யப்பட்டு விட்டது. 42.6 கோடி ரூபாய் மதிப்பில் பணிக்கு, டெண்டர் விடப்பட்டு விட்டது; விரைவில் பணி துவங்கும்,' என்றனர்.

பணி துவங்கினால், ஒரு மாதத்துக்குள் பணியை முடிக்க வாய்ப்பு உள்ளது.