திருப்பூர் : கோவை, நேரு விளையாட்டு அரங்கில், கடந்த 16 முதல், 18ம் தேதி வரை, பாரதியார் பல்கலை இணைப்பில் உள்ள கல்லுாரி அணிகள், வீரர், வீராங்கனைகளுக்கான தடகள போட்டி நடந்தது. அவிநாசி அரசு கலைக்கல்லுாரி சார்பில் பங்கேற்ற மனோஜ் குமார் டெகத்லான் போட்டியில் முதலிடம் பெற்று, தங்கம் வென்றார். இவர், திருப்பூர் ரைசிங் ஸ்டார் ஸ்போர்ட்ஸ் அகாடமியில் பயிற்சி பெற்று வருகிறார். இவரை கல்லுாரி முதல்வர் மற்றும் பேராசிரியர்கள், பயிற்சியாளர் சுரேஷ்குமார் பாராட்டினர்.