நம் முன்னோர்கள், காலம் காலமாக,வித்யாரம்பம் நிகழ்ச்சியை நடத்தி வந்துள்ளனர். பெரிய தாம்பாள தட்டில் அரிசி அல்லது நெல் மணிகளை பரப்பி, குழந்தைகளின் பிஞ்சு விரல்களை பிடித்து, ஆட்காட்டி விரலால், 'அ' என்று எழுதி, கற்றலை துவக்கி வைத்தனர்.

சில இடங்களில், பொன் ஊசி, நெல்மணி அல்லது தர்ப்பை புல்லை, தேன் கலந்த பாலில் தொட்டு, குழந்தைகளின் நாவில், 'அ' என்று எழுதி, கற்றலை துவக்கி வைக்கின்றனர்.

'தினமலர்' நாளிதழ், ஸ்ரீசக்தி இன்டர்நேஷனல் பள்ளி சார்பில், ராக்கியாபாளையம் ஸ்ரீராஜ ராஜேஸ்வரி அம்பாள் கோவிலில், குழந்தைகளுக்கான வித்யாரம்பம், அக்., 2ம் தேதி நடக்கிறது. அம்பாளின் அருளாசியுடன், சிறப்பு யாகசாலை பூஜைகளுடன், குழந்தைகள் கற்றலை துவக்கலாம்.

அன்று காலை, 9:00 மணி முதல், 10:30 மணி வரை, ராக்கியாபாளையம் ஜகன்மாதா ஸ்ரீராஜராஜேஸ்வரி அம்பாள் கோவிலில், வித்யாரம்பம் நடைபெற உள்ளது. இரண்டரை வயது முதல், மூன்றரை வயது வரையுள்ள குழந்தைகளுடன் வந்து, வித்யாரம்பம் செய்து வைக்கலாம்.

வித்யாரம்ப நிகழ்ச்சியில், கலெக்டர் மனிஷ் நாரணவரே, திருப்பூர் ஏற்றுமதியாளர்கள் சங்க தலைவர் சுப்பிரமணியன், 'கிளாசிக் போலோ' நிர்வாக இயக்குனர் சிவராம், ஸ்ரீசக்தி கல்லுாரி சேர்மன் தங்கவேல், ஸ்ரீசக்தி இன்டர்நேஷனல் பள்ளி வைஸ் சேர்மன் தீபன் தங்கவேல், ஜகன்மாதா ஸ்ரீராஜராஜேஸ்வரி அம்பாள் கோவில் டிரஸ்ட் நிறுவனர் ஞானகுரு ஆகியோர், குழந்தைகளுக்கு, வித்யாரம்பம் செய்து வைக்கின்றனர்.

10 சதவீதம் சலுகை 'வித்யாரம்பம்' நிகழ்ச்சிக்கு வந்துசெல்ல, அவிநாசி, அன்னுார், அணைப்புதுார், காந்திநகர், சோம னுார், தெக்கலுார் ஆகிய பகுதிகளில் இருந்து வாகன வசதியும் செய்யப்பட்டுள்ளது.

ஸ்ரீசக்தி இன்டர்நேஷனல் பள்ளியில் சேர்ந்து பயில, விஜயதசமி மாணவர் சேர்க்கைக்கு, 10 சதவீதம் சிறப்பு சலுகை வழங்கவும், ஸ்ரீசக்தி இன்டர்நேஷனல் பள்ளி முன்வந்துள்ளது.