அதுபோல, அரியலுார் மாவட்டம் ஜெயங்கொண்டம், தஞ்சாவூர் மாவட்டம் கபிஸ்தலம் ஆகிய பகுதிகளில் சிறுத்தை நடமாட்டம் இருப்பதாக கிடைத்த தகவல் வந்தது.

இந்நிலையில், தஞ்சாவூர் மாவட்டம் திருவையாறு அருகே நாகத்தி, திருவலம்பொழில் கிராமப்பகுதியில் சிறுத்தை தென்பட்டதாக அப்பகுதியினர் அளித்த தகவலின்படி, வனத்துறையினர் நேற்று முன்தினம் இரவு முதல், திருவலம்பொழில், கண்டியூர், நாகத்தி போன்ற பகுதிகளில், தேடினர். எனினும், சிறுத்தை தென்படவில்லை.

இருப்பினும், காவிரி, கொள்ளிடம் ஆற்று படுகையில் சிறுத்தை உலா வருவதாக வெளியாகும் தகவல்களால், அப்பகுதியினர் பீதியில் உள்ளனர்.