திருச்சி கே.கே.நகர் இந்தியன் வங்கி காலனியில் கார் மெக்கானிக் பட்டறை வைத்திருப்பவர் சங்கர். நேற்று நள்ளிரவு இவரது மெக்கானிக் பட்டறை உட்பட, அருகில் இருந்த, 5 கடைகளில் தீப்பற்றியது.

இதில், மெக்கானிக் பட்டறையில் இருந்த இரு கார்கள், அருகில், ஸ்டிக்கர் கடையில் நின்றிருந்த ஒரு கார் மற்றும் அருகில் இருந்த கடைகளில் நிறுத்தப்பட்டிருந்த, நான்கு டூ - வீலர்கள் மற்றும் சைக்கிள் தீ விபத்தில் சேதமடைந்தன.

இதையடுத்து, திருச்சி கண்டோன்மென்ட் தீயணைப்பு வாகனங்கள் தீயை அணைத்தன. தீ விபத்து குறித்து கே.கே.நகர் போலீசார் விசாரிக்கின்றனர்.