இவர், பள்ளியில் ஆசிரியர் பற்றாக்குறை இருந்தும், சொந்த செலவில் மாற்று ஏற்பாடு செய்து, 80 பேர் படித்த பள்ளியில், 400 மாணவ - மாணவியர் படிக்கும் அளவிற்கு பள்ளியை உயர்த்தினார்.

அப்பகுதி மாணவ - மாணவியர் மற்றும் பெற்றோருக்கு சிறந்த ஆசிரியராக அறியப்பட்டார். தற்போது, அவர், 5 கி.மீ., தள்ளியுள்ள சதுப்பேரி துவக்கப்பள்ளிக்கு இடமாற்றம் செய்யப்பட்டார். அதிர்ச்சியடைந்த மாணவ - மாணவியர் மற்றும் பெற்றோர், இதை கண்டித்து, பள்ளி முன் நேற்று தர்ணா போராட்டத்தில் ஈடுபட்டனர்.

கல்வித்துறை அதிகாரிகள் பேச்சு நடத்தி, சின்ன அல்லாபுரம் பள்ளியையும், செந்தில்குமார் கூடுதலாக கவனித்துக்கொள்வார் என உறுதி அளித்தனர். இதையடுத்து, மாணவ - மாணவியர் மற்றும் பெற்றோர் போராட்டத்தை கைவிட்டனர்.