இப்பள்ளியில் 10ம் வகுப்பு தேர்வு எழுதிய 110 மாணவ, மாணவிகளும் தேர்ச்சி பெற்றனர். மாணவிகள் ரோஷினி, ரோஷ்மா 500க்கு 494, சந்தியா 492, மாணவர் குருநாதன் 490 மதிப்பெண் பெற்று முதல் 3 இடங்களைப் பிடித்தனர். மாணவிகள் ரோஷினி, ரோஷ்மா புதுச்சேரி மாநில அளவில் 5ம் இடம் பிடித்தனர்.

கணிதத்தில் 10 பேர், அறிவியலில் 2 பேர், சமூக அறிவியலில் 4 பேர் 100க்கு100 மதிப்பெண் பெற்றுள்ளனர்.

பிளஸ் 2 தேர்வு எழுதிய 98 மாணவிகளும் தேர்ச்சி பெற்றனர். மாணவி சந்தியா 600க்கு 583, புவனேஸ்வரி 561, அபிராமி 557 மதிப்பெண்கள் பெற்று முதல் 3 இடங்களைப் பிடித்தனர்.

மேலும், 500 மதிப்பெண்ணுக்கு மேல் 28 பேர், 450க்கு மேல் 58 பேர், 400க்கு மேல் 88 பேர் எடுத்துள்ளனர்.

கணினி அறிவியலில் 3 பேர், வணிகவியல், கணினி பயன்பாடுகள், கணிதம், கணக்கு பதிவியல் ஆகிய பாடங்களில் தலா ஒருவர் என 100க்கு100 மதிப்பெண் பெற்றுள்ளனர்.

சாதனை படைத்த மாணவ, மாணவிகளை பள்ளி நிர்வாகி அல்பி ஜான், முதல்வர் செலினா தெரேஸ் மற்றும் ஆசிரியர்கள் பாராட்டினர்.