புதுச்சேரி 'தினமலர்-பட்டம்' இதழ், ஆச்சார்யா கல்விக்குழுமம் இணைந்து நடத்தும் 'பதில் சொல்; பரிசு வெல்' வினாடி வினா போட்டி ஆரோவில் அடுத்த குயிலாப்பாளையம் மேல்நிலைப் பள்ளியில் நடந்தது.

போட்டியில் 100க்கும் மேற்பட்ட மாணவர்கள் பங்கேற்றனர். இதில் 16 மாணவர்கள் தேர்வு செய்து, 8 குழுக்களாக பிரிக்கப்பட்டு 2 சுற்றுகளாக போட்டி நடந்தது.

பள்ளி தாளாளர் குணசீலன் தலைமை தாங்கினார். பள்ளி ஒருங்கிணைப்பாளர் ரமேஷ் வரவேற்றார்.

போட்டியில் ஐஸ்வர்யா, மவுனிகா அணி முதலிடத்தையும், சர்வேஷ், ஆகாஷ் அணி இரண்டாம் இடத்தையும் பிடித்தனர். வெற்றி பெற்ற மாணவர்களுக்கு சான்றிதழ் மற்றும் கேடயம் வழங்கப்பட்டது. போட்டியில் பங்கேற்ற மாணவர்கள் அனைவருக்கும் சான்றிதழ் வழங்கப்பட்டது.