ஒழுக்கமும், கல்வியும் இரு கண்களை போன்றது

நல்லொழுக்கமும், கல்வியும், மாணவர்களுக்கு இரு கண்கள் போன்றது. சிறந்த முறையில் கல்வி கற்றால் மேன்மையான வாழ்க்கை அமையும். இதைத்தான் ஆசிரியர்களாகிய நாங்கள் செய்து வருகின்றோம். கடந்தாண்டு பிளஸ் 2 தேர்வில், இப்பள்ளி மாணவர்கள், 100 சதவீத தேர்ச்சி பெற்றுள்ளனர். இப்பள்ளியில் பயின்ற பல மாணவ, மாணவிகள் பல அரசு துறைகளில் பணிபுரிகின்றனர். பலர் மாநில அளவில் பல விளையாட்டுப் போட்டியில் பங்கு பெற்று, அதன் வாயிலாக உயர் கல்வி பயில்கின்றார்கள். மாணவர் திருவேங்கடம் கலைத்திருவிழாவில் மாநில அளவில் முதலிடம் பெற்றார். மாணவர் அகிலன் கலைத்திறமைக்கான காமராஜர் விருது பெற்று உயர்கல்வி பயில்கிறார். இப்பள்ளி, மாணவர்களின் எதிர்காலத்தை மிக சிறப்பாக அமைய வழி வகுத்துக்கொண்டிருப்பது, ஆசிரியர்களாகிய எங்களுக்கு மிகவும் மகிழ்ச்சியளிக்கிறது. -சந்திரசேகர், தலைமை ஆசிரியர்.