விழுப்புரம் அடுத்த கொண்டங்கி கிராமத்தைச் சேர்ந்தவர் வேலாயுதம், 60; இவரது மகள் மணிமேகலை, 24; பி.எஸ்சி., படித்துவிட்டு வீட்டில் இருந்து வருகிறார். இவரை கடந்த 31ம் தேதி முதல் காணவில்லை. பல இடங்களில் தேடியும் கிடைக்கவில்லை.

இதுகுறித்து பெண்ணின் தாய் கஸ்துாரி, தனது மகளை வெங்கமூரைச் சேர்ந்த குமரவேல், 31; காரில் கடத்தி சென்றதாக அளித்த புகாரின் பேரில், காணை போலீசார், குமரவேல் மீது வழக்கு பதிந்து விசாரணை நடத்தி வருகின்றனர்.