விழுப்புரம் மருத்துவமனை சாலையில் உள்ள ஸ்ரீவள்ளி, தேவசேனா சமேத சுப்பரமணியர் சுவாமி கோவிலில் சூரசம்ஹார பெருவிழா உற்சவ வழிபாடு, கடந்த 22ம் தேதி துவங்கி நடந்து வருகிறது.

தொடர்ந்து, நேற்று வெள்ளிக்கிழமை காலை 7:00 மணிக்கு தொடங்கி, சஷ்டி சிறப்பு வழிபாடு நடந்தது. மூலவர் மற்றும் உற்சவருக்கு சிறப்பு அபிஷேகம் மற்றும் ஆராதனைகள் நடந்தன.

தொடர்ந்து, உற்சவர் சிறப்பு மலர் அலங்காரத்தில் வள்ளி, தேவசேனா தாயார்களுடன் ஊஞ்சல் உற்சவத்தில் எழுந்தருளினார். தொடர்ந்து, நாளை மறுதினம் மாலை 6:00 மணிக்கு மஹா சூரசம்ஹார விழா நடக்கிறது.