திருவெண்ணெய்நல்லுார் அடுத்த சேமங்கலம் புதுார் கிராமத்தைச் சேர்ந்தவர் குமரேசன், 34; டிரைவர். இவரது மனைவி உமாராணி, 26; கடந்த 6 ஆண்டுகளுக்கு முன் திருமணமானது. 2 பெண் குழந்தைகள் உள்ளனர்.

இந்நிலையில் உமாராணி நேற்று முன்தினம் காலை வீட்டில் துாக்கு போட்டுக்கொண்டார். உடன் உறவினர்கள் அவரை மீட்டு விழுப்புரம், முண்டியம்பாக்கம் அரசு மருத்துவக்கல்லுாரி மருத்துவமனையில் சேர்க்கப்பட்டு அங்கு அவர் அன்று மாலை 3:00 மணியளவில் இறந்தார்.

அவரது சாவில் சந்தேகம் இருப்பதாக உமாராணியின் தந்தை ஞானவேல் அளித்த புகாரின்பேரில் திருவெண்ணெய்நல்லுார் போலீசார் வழக்குப் பதிந்து விசாரித்து வருகின்றனர்.