விருதுநகரில் நேற்று காலை 11:00 மணிக்கு வேட்புமனு பரிசீலனை துவங்க வேண்டியது. ஆனால் தாமதமானது.

தே.மு.தி.க., வேட்பாளர் விஜயபிரபாகரனுக்காக வந்திருந்த அ.தி.மு.க.,வினரை போலீசார் அனுமதிக்கவில்லை. இதையடுத்து தாங்கள் பரிந்துரை கடிதம் வைத்தும் ஏன் அனுமதிக்கவில்லை என கேள்வி எழுப்பினர்.

போலீசாரிடம் வாக்குவாதம் செய்தனர். கடிதத்தை சரிவர போலீசார் பார்க்கவில்லை என அதிகாரிகளிடம் குற்றம்சாட்டினர்.

இந்நிலையில் அங்கு காத்திருந்த பா.ஜ.,வினரும் கேள்வி எழுப்பினர். வேட்புமனு பரிசீலனை தொடர்பாக தேர்தல் ஆணையத்திற்கு புகார் அளிப்போம் என அ.தி.மு.க.,வினர் கூறினர்.

இந்நிலையில் அதிகாரிகள் சமாதானப்படுத்தி கால் மணி நேர தாமதமாக வேட்பு மனு பரிசீலனையை செய்தனர்.