காரியாபட்டி ஒன்றியத்தில் ஊராட்சிகளில் குப்பை சேகரிக்க, தூய்மை பாரத இயக்கத்தின் கீழ் பேட்டரி ஆட்டோக்கள் வாங்கப்பட்டன. காரியாபட்டி ஒன்றியத்தில் 36 ஊராட்சிகள் உள்ளன. இதில் முதல் கட்டமாக 31 ஊராட்சிக்கு புதிய பேட்டரி ஆட்டோக்கள் 3 மாதங்களுக்கு முன் வாங்கி ஒன்றிய அலுவலக வளாகத்தில் நிறுத்தப்பட்டது.

நம்பர் பிளேட்டுகள் வாகனங்களில் பொருத்தப்பட்டன. ஆனால் ஊராட்சிகளுக்கு வழங்காமல் கிடப்பில் போடப்பட்டன. ஒரு வாகனத்தின் விலை ரூ. 2 லட்சத்து 75 ஆயிரம். இதில் ஊராட்சி நிதி ரூ. 75 ஆயிரம், தூய்மை பாரத இயக்க நிதி ரூ. 2 லட்சம். மழை, வெயிலுக்கு பாதுகாப்பு இல்லாமல் திறந்தவெளியில் போடப்பட்டு, துருப்பிடித்து, அரசு நிதி வீணடிக்கப்பட்டு வருவது குறித்து பிப். 19ல் தினமலர்நாளிதழில் செய்தி வெளியானது. எதிரொலியாக நேற்று அமைச்சர் தங்கம் தென்னரசு ஊராட்சிகளுக்கு அவற்றை வழங்கினார்.