பெரிய பொட்டல்பட்டி பகுதியில் அதிக எண்ணிக்கையில் தெரு நாய்கள் நடமாடுகின்றன. இந்நிலையில் நேற்று குடியிருப்பு பகுதியில் நடமாடிய தெரு நாய்கள் மக்களை விரட்டி கடித்ததில் ஆறு பேர் காயமடைந்தனர். இதேபோல் எம்.புதுப்பட்டியில் இரு சிறுவர்கள், 70 வயது மூதாட்டி உட்பட 9 பேரை தெருநாய்கள் விரட்டி கடித்தன. நாய்க்கடியால் பாதிக்கப்பட்ட 15 பேரும் சிவகாசி அரசு மருத்துவமனை, எம்.புதுப்பட்டி, மாரனேரி ஆரம்ப சுகாதார நிலையங்களில் சிகிச்சை பெற்றனர்.

தெரு நாய்களை கட்டுப்படுத்த உள்ளாட்சி நிர்வாகங்கள் நடவடிக்கை எடுக்க வேண்டும் என மக்கள் வேண்டுகோள் விடுத்துள்ளனர்.