கண்மாய் கரை பகுதியில் கணபதி மரப்பட்டறையில் நேற்று முன்தினம் இரவு 11:30 மணிக்கு தீ விபத்து ஏற்பட்டது. அருகே இருந்த காகித, பேக்கேஜிங் நிறுவனத்திற்கும் தீ பரவியது.

இதில் நிறுவனத்தில் இருந்த காகித பண்டல்கள், பேக்கேஜிங் அட்டைகளில் கருகின. 3 தீயணைப்பு வாகனங்கள் மூலம் தீ அணைக்கும் பணி நடந்தது. பேக்கேஜிங் நிறுவனத்திற்குள் வீரர்கள் செல்ல முடியாததால் தீயை அணைப்பதில் சிரமம் ஏற்பட்டது.

4 மணி நேர போராட்டத்திற்கு பின் காலை 5:00 மணிக்கு தீ அணைக்கப்பட்டது. மரப்பலகைகள், காகிதப் பொருட்கள், இயந்திரங்கள் தீயில் கருகின.