இந்த வழக்கில் பரமக்குடியைச் சேர்ந்த அ.தி.மு.க., பிரமுகர் சிகாமணி, அன்னலட்சுமி, கயல்விழி, ராஜ முகமது, பிரபாகரன் ஆகியோர் மீது ராமநாதபுரம் மாவட்ட சி.பி.சி.ஐ.டி. போலீசார் வழக்கு பதிவு செய்தனர்.

வழக்கை 5 மாதத்துக்குள் விரைந்து முடிக்க உச்சநீதிமன்றம் உத்தரவிட்டிருந்த நிலையில் ஸ்ரீவில்லிபுத்தூர் போக்சோ நீதிமன்றத்திற்கு விசாரணை மாற்றம் செய்யப்பட்டது. சி.பி.சி.ஐ.டி. போலீசார் தரப்பில் 2 குற்றப்பத்திரிகைகள் தாக்கல் செய்யப்பட்டு குற்றச்சாட்டு பதிவு செய்யப்பட்டுள்ளது. சாட்சி விசாரணை துவங்க உள்ளது.

ஸ்ரீவில்லிபுத்தூர் போக்சோ நீதிமன்றத்தில் நேற்று வழக்கு விசாரணைக்கு வந்தது. பின்னர் வழக்கின் விசாரணையை நவ. 27க்கு நீதிபதி சுதாகர் ஒத்தி வைத்தார்.