திருச்சுழி: திருச்சுழி அருகே தொட்டியான்குளம் கிராமத்தில் டாஸ்மாக் கடை உள்ளது. இதில் செல்லையாபுரத்தைச் சேர்ந்த சின்னராஜ், 50, மேற்பார்வையாளராகவும், பச்சேரியைச் சேர்ந்த சரவணன், 49, விற்பனையாளராகவும் உள்ளனர். நேற்று முன்தினம் இரவு 10:30 மணிக்கு கடையை மூடிவிட்டு விற்ற பணம் ஒரு லட்சத்து 9 ஆயிரத்து 500 ரூபாயை பையில் வைத்து கிளம்பும்போது, அங்கு வந்த முகமூடி அணிந்த 3 நபர்கள் அரிவாள் உள்ளிட்ட ஆயுதங்களை காட்டி இருவரையும் மிரட்டி பணத்தை பறித்து சென்றனர். இருவரிடம் உள்ள அலைபேசிகளை வாங்கி தரையில் போட்டு உடைத்து விட்டு தப்பி சென்றனர்.