மாணவர்களின் எண்ணிக்கையை பொறுத்து மாதம் ரூ.ஆயிரம் முதல் ஆயிரத்து 500 வரை சம்பளமாக வழங்கப்படுகிறது. ஒவ்வொரு பள்ளிக்கும் பராமரிப்பு செலவுக்கு ரூ.300 தனியாக வழங்கப்படுகிறது. முழு சுகாதார இயக்கத்தின் மூலம் சம்பளம் வழங்கப்பட்டது.

அதற்கு போதிய நிதி வரவில்லை. பொது நிதியில் இருந்து சம்பளம் வழங்க முடிவு செய்யப்பட்டது. பொது நிதியில் இருந்தும் உடனடியாக சம்பளம் போட முடியாது. கலெக்டர் அனுமதி வழங்கினாலும், எதிர்பாராத செலவுகளுக்கு பொது நிதியை ஒதுக்கி வைத்திருக்க வேண்டும். உதாரணமாக ஏதாவது ஒரு இடத்தில் குடிநீர் குழாய் உடைந்து தண்ணீர் வீணாகிறது என்றால், அதனை உடனே சீரமைக்க வேண்டும். அந்தந்த ஊராட்சியில் பணம் இருப்பு இருந்தால் எடுத்துக் கொள்ளலாம்.

அதிலிருந்து சம்பளம் போடுவது என்பது எளிதான காரியம் இல்லை. இந்நிலையில் துப்புரவு பணியாளர்களின் நிலைமையை கருத்தில் கொண்டு 2 மாதங்களுக்கு சம்பளம் வழங்க கலெக்டர் அனுமதி வழங்கினார். பொது நிதியில் போதிய நிதி இல்லாமல் பல ஒன்றிய அலுவலகங்களில் அதிகாரிகள் தவிக்கின்றனர்.

குறைந்த சம்பளத்தில் கஷ்ட ஜீவனம் நடத்தும் துப்புரவு பணியாளர்கள் இந்த சம்பளத்தை எதிர்பார்த்து காத்திருக்கின்றனர். தீபாவளி சமயத்தில் அவர்களது நிலைமை படு மோசமாக இருந்தது. அப்போது ஆசிரியர்கள் பலர் அவர்களுக்கு உதவி செய்தனர். இருந்தாலும் தொடர்ந்து செய்ய முடியாது என்பதால் துப்புரவு பணியாளர்கள் தவியாய் தவித்து வருகின்றனர்.

அவர்களது நிலைமையை கருத்தில் கொண்டு இதுவரை வழங்கப்படாத 6 மாத சம்பளத்தை உடனடியாக வழங்க, மாவட்ட நிர்வாகம் நடவடிக்கை எடுக்க வேண்டும் என எதிர்பார்ப்புடன் உள்ளனர்.