பள்ளி கல்வித்துறை சார்பில் வட்டார அளவிலான குழு விளையாட்டுப் போட்டிகள் நடந்தது. இதில் 14 வயதிற்கு உட்பட்ட பிரிவில் கூடைப்பந்து, கைப்பந்து, கால்பந்து, ஹாக்கி, டேபிள் டென்னிஸ் ஒற்றையர், இரட்டையர் பிரிவில் முதல் இடமும், டெனிகாய்ட், ஒற்றையர், இரட்டையர் பிரிவில் 2 ம் இடமும், 17 வயதிற்கு உட்பட்ட பிரிவில் கூடைப்பந்து, கால்பந்து, ஹாக்கியில் முதலிடம், கைப்பந்து, கபாடி, வாலிபால்,டேபிள் டென்னிஸ் 2ம் இடம், 19 வயதுக்கு உட்பட்ட பிரிவில் கூடைப்பந்து, கால்பந்து, கைப்பந்து, ஹாக்கி, வாலிபால் போட்டிகளில் முதலிடம், டெனிகாய்ட் 2 ம் இடம் பெற்று குழு விளையாட்டு போட்டிகளில் சாம்பியன் பட்டத்தை வென்றனர். மாணவர்கள் ஒட்டுமொத்த சாம்பியன் பட்டம் பெற்றனர்.

மாணவர்களை அருப்புக்கோட்டை நாடார்கள் உறவின்முறை தலைவர் சுதாகர், பள்ளிச் செயலர் காசிமுருகன், தலைவர் ஜெயகணேஷ், பள்ளி தலைமை ஆசிரியர் ஆனந்தராஜன், நிர்வாகிகள் பாராட்டினர்.- -