ராஜபாளையம் அருகே நகனேரியை சேர்ந்தவர் அழகுசுந்தரம் மகன் சுந்தர வைரலிங்கம் 15, அதே கிராமத்தை சேர்ந்த முகிலன் மகன் ஆல்வின் குமார் 15, இருவரும் வெளியூர் சென்று விட்டு நேற்று முன்தினம் மதியம் 1:45 மணிக்கு டூவீலரில் வீடு திரும்பி கொண்டிருந்தனர். இந்நிலையில் திடீரென நிலை தடுமாறி சாலையோர மரத்தில் மோதியதில் சுந்தர வைரலிங்கம் சம்பவ இடத்தில் உயிரிழந்தார். (ஹெல்மெட் அணியவில்லை) ஓட்டி வந்த ஆல்வின் குமார் பலத்த காயங்களுடன் விருதுநகர் அரசு மருத்துவமனைக்கு அனுப்பி வைக்கப்பட்டுள்ளார். சேத்துார் ஊரக போலீசார் விசாரிக்கின்றனர்.