சுதந்திர தின விழாவில், மக்கள் பங்கேற்பை அதிகரிக்கும் நோக்கில், நாடு முழுதும், 6,000 சிறப்பு விருந்தினர்களுக்கு அழைப்பு விடுக்கப்பட்டுள்ளது.

தமிழகத்தில் இருந்து, கள்ளக்குறிச்சி மாவட்டம், கல்வராயன்மலையைச் சேர்ந்த அருண்ராஜா; நீலமங்கலத்தைச் சேர்ந்த ஷகீலா தேவி ஆகியோர் அழைக்கப்பட்டு உள்ளனர்.

அங்கன்வாடி மைய அழைப்பாளர்களில், சென்னை திருவல்லிக்கேணி டெய்சிராணி; வியாசர்பாடி ஜெயகுமார்; புதுக்கோட்டை தேவமணி; சேலம் அந்தியூர் அம்மாப்பேட்டை சாந்தி; அடல் புத்தாக்க இயக்கப் பயனாளிகளான துாத்துக்குடி பிரார்த்தனா, சுபிக் ஷா, பாபு ராதாகிருஷ்ணன்.

விவசாயி உற்பத்தியாளர் அமைப்பின் சார்பில், கள்ளக்குறிச்சி வளர்மதி; சேலம் தலைவாசல் ஜோதி, மண்மலை லட்சுமி, தம்மம்பட்டி சசிகலா, மண்மங்கலத்துப்பட்டி சிவராணி ஆகியோர் பங்கேற்கின்றனர்.

பஞ்சாயத்து தலைவர்களான கோவளம் ஷோபனா தங்கம்; கடலுார் நாற்றாமங்கலம் சுதா மணிரத்தினம்; திண்டுக்கல் போடிக்காமண்வாடி நாகலட்சுமி; கன்னியாகுமரி பீமனகாரி சஜிதா; துாத்துக்குடி நட்டாத்தி சுதாகலா; விழுப்புரம் தாயனுார் லாவண்யா; விருதுநகர் கட்டாங்குடி மகாலட்சுமி ஆகியோர் சிறப்பு அழைப்பாளர்களாக பங்கேற்க உள்ளனர்.