முத்தார்பட்டியில் ஜூன் 15ல் சடையாண்டி கோயில் திருவிழா நடந்தது. அதற்கு திருச்சுழியில் இருந்து வந்த சோலையம்மாள் 24, அக்கா முத்துலட்சுமி 26, உடன் இரவு காட்டுப் பகுதிக்கு இயற்கை உபாதையை கழிக்க சென்ற போது அவர்களுக்கு பின்னால் டூவீலரில் வந்த 16 வயதுள்ள இரு சிறுவர்கள் சோலையம்மாள் அணிந்திருந்த வெள்ளி செயினை பறிக்க முயன்றனர். பெண்கள் இருவரையும் பிடித்து போலீசில் ஒப்படைத்தனர்.

இரு சிறுவர்களில் ஒருவர் அதே பகுதியை சேர்ந்த பூமிநாதன் மகன் என்பதும், மற்றொருவர் கோசுக்குண்டு தர்மர் மகன் என்பதும் தெரிந்தது. மனவிரக்தி அடைந்த பூமிநாதன் வீட்டில் இருந்த விஷத்தை குடித்து மயங்கினார்.

அருப்புக்கோட்டை அரசு மருத்துவமனைக்கு சிகிச்சைக்காக கொண்டு செல்லும்போது வழியில் பலியானார். இருக்கன்குடி போலீசார் விசாரிக்கின்றனர்.