சென்னை தவிர்த்து மற்ற மாவட்டங்களில், 'உங்களைத் தேடி, உங்கள் ஊரில்' திட்டத்தின் கீழ், ஒவ்வொரு வாரமும் மூன்றாவது புதன்கிழமை, ஏதேனும் ஒரு கிராமத்தில் முகாம் நடத்தப்படுகிறது. இதற்கு தாலுகா ஒன்றுக்கு, 20,000 ரூபாய் வழங்க, தமிழக அரசு 88.80 லட்சம் ரூபாய் ஒதுக்கியது.

கடந்த பிப்., 2, 6ம் தேதிகளில், தலைமை செயலர் நடத்திய ஆய்வு கூட்டத்தில், மாவட்ட கலெக்டர்கள், '20,000 ரூபாய் போதுமானதாக இல்லை; அதை 50,000 ரூபாயாக உயர்த்தி வழங்க வேண்டும்' என்று கோரிக்கை வைத்தனர்.

அதை ஏற்ற அரசு, உயர்த்தி வழங்கி உள்ளது. இதற்காக கூடுதலாக 99.90 லட்சம் ரூபாயை, தமிழக அரசு ஒதுக்கி உள்ளது.

இதற்கான அரசாணையை, வருவாய் துறை செயலர் ராஜாராமன் வெளியிட்டு உள்ளார்.