இதுபற்றிய விவரம் வருமாறு;

ஆந்திரா குண்டூரை சேர்ந்தவர் வீராஜ மெய்லு(64). இவர் ஆந்திராவில் காய்கறி கமிஷன் வியாபாரம் செய்கிறார். இவரிடம் தமிழகத்தில் பல்வேறு மாவட்டங்களில் இருந்து ஏராளமானோர் காய்கறியை வாங்கி விற்பனை செய்கின்றனர்.

இந்நிலையில் பழநியிலும் இவரிடம் சிலர் காய்கறிகளை வாங்கி விற்பனை செய்தனர். அதற்குரிய பணத்தை வீராஜ மெய்லு, வாங்க ஜன.23ல் பழநி வந்தார். ரூ.16 லட்சத்தை தன்னிடம் காய்கறி வாங்கியவர்களிடம் பெற்றுக் கொண்ட வீராஜ மெய்லு, பழநியிலிருந்து திருச்சி செல்வதற்காக பஸ் ஏறினார்.

பணத்தை பேக்கில் வைத்து பஸ்சில் தங்கள் உடமைகளை வைக்கும் இடத்தில் வைத்தார். பஸ் திண்டுக்கல் பஸ் ஸ்டாண்ட் வந்தபோது பணத்தை பேக்கோடு மர்ம நபர்கள் திருடினர். வீராஜ மெய்லு, திண்டுக்கல் வடக்கு போலீஸ் ஸ்டேஷனில் புகார் அளித்தார்.

இன்ஸ்பெக்டர் வெங்கடாசலபதி, எஸ். ஐ.,அருண் பிரசாத், க்ரைம் டீம் எஸ்.ஐ., வீரபாண்டி தலைமையிலான போலீசார் இச்சம்பவத்தில் ஈடுபட்ட சாணார்பட்டி பாண்டித்துரை (47), மதுரை அலங்காநல்லூரை சேர்ந்த செல்வம்(54) அவரது மனைவி பிரியா (34) ஆகியோரை கைது செய்து அவர்களிடமிருந்து ரூ.10.50 லட்சத்தை பறிமுதல் செய்தனர்.