சட்டசபையில், அவர் தாக்கல் செய்த வேளாண் பட்ஜெட்டில் உள்ள சிறப்பம்சங்கள்:

'முதல்வரின் மண்ணுயிர் காத்து மன்னுயிர் காப்போம்' திட்டம், 2024 - 25ம் ஆண்டு முதல் செயல்படுத்தப்படும். மொத்தம், 22 திட்டங்களை உள்ளடக்கிய தொகுப்பாக செயல்படுத்த, 206 கோடி ரூபாய் ஒதுக்கப்படும்

* இதன்படி, வரும் ஆண்டில் 2 லட்சம் ஏக்கரில், பசுந்தாள் உரம் பயிரிட, 20 கோடி ரூபாய் ஒதுக்கப்படும். இதனால், 2 லட்சம் விவசாயிகள் பயனடைவர்

* மண்புழு உரம் தயாரித்து, மண் வளத்தை பாதுகாக்க, 10,000 விவசாயிகளுக்கு, தலா இரண்டு மண்புழு உரப்படுக்கைகள், 6 கோடி ரூபாயில் வழங்கப்படும்

* வரும் ஆண்டில் 37,500 களர் நிலங்களை சீர்படுத்த, 7.50 கோடி; 37,500 ஏக்கர் அமில நிலங்களை சீர்படுத்த 15 கோடி ரூபாய் ஒதுக்கப்படும்

இலவச வேப்பங்கன்று

* வேம்பினை பரவலாக்கம் செய்ய, 10 லட்சம் வேப்ப மரக்கன்றுகள், வேளாண் காடுகள் திட்டத்தில், இலவசமாக வினியோகிக்கப்படும். இதற்கு, 2 கோடி ரூபாய் ஒதுக்கப்படும்

* உயிரி பூச்சிக்கொல்லி பண்புகளுடைய, ஆடாதொடா, நொச்சி போன்ற தாவர வகைகளின், 50 லட்சம் செடிகளை தரிசு நிலங்களிலும், வயல் பரப்புகளிலும் நடவு செய்ய,1 கோடி ரூபாய் ஒதுக்கப்படும்

* மருத்துவ குணம் உடைய பாரம்பரிய நெல் ரகங்களை, 1,000 ஏக்கரில் சாகுபடி செய்ய, விதை வினியோகம் செய்யப்படும்

* வட்டாரத்திற்கு ஒரு கிராமம் தேர்வு செய்யப்பட்டு, உயிர்ம வேளாண்மைக்கான மாதிரிப் பண்ணை உருவாக்கப்பட்டு, இதர விவசாயிகளுக்கு விளக்கம் அளிக்கப்படும்

* மரக்கன்றுகள் உற்பத்தி செய்ய, நவீன தொழில்நுட்ப நாற்றங்கால்கள் அமைக்க, வேளாண் காடுகள் திட்டத்தில், 13 கோடி ரூபாய் ஒதுக்கப்படும்

* வரும் ஆண்டில், 14,000 ஒருங்கிணைந்த பண்ணைய தொகுப்புகள் அமைக்க, 42 கோடி ரூபாய் ஒதுக்கப்படும்

* மானாவாரி நிலங்களில் சிறுதானியங்கள், பயறு வகைகள், எண்ணெய் வித்துக்கள் பயிரிடும் திட்டத்தை செயல்படுத்த, 36 கோடி ரூபாய் ஒதுக்கப்படும்

* வீட்டுத் தோட்டத்திற்கு செடிகள் வழங்க, 4 கோடி ரூபாய் ஒதுக்கப்படும்.

இவை அனைத்தும், முதல்வரின் மண்ணுயிர் காத்து மன்னுயிர் காப்போம் என்ற திட்டத்தின் கீழ் செயல்படுத்தப்படும்.

---

தேனீ முனையம்

* கன்னியாகுமரி மாவட்டத்தில், 3.60 கோடி ரூபாய் மதிப்பில், தேனீ முனையம் உருவாக்கப்படும்

* காலநிலை மாற்றம் குறித்து விவசாயிகளுக்கு விழிப்புணர்வு ஏற்படுத்த, 1.48 கோடி ரூபாய் ஒதுக்கப்படும்

* நுாறு உழவர் அங்காடிகள், 5 கோடி ரூபாயில் செயல்படுத்தப்படும்

* அனைத்து கிராம ஒருங்கிணைந்த வேளாண் வளர்ச்சி திட்டம், தேர்வு செய்யப்பட்ட, 2,482 ஊராட்சிகளில், 200 கோடி ரூபாயில் செயல்படுத்தப்படும்

பயறு பெருக்கம்

* பயறு பெருக்க திட்டம், 4.75 லட்சம் ஏக்கரில், 40.27 கோடி ரூபாயில் செயல்படுத்தப்படும்

* துவரையை 50,000 ஏக்கரில் தனி பயிராக, வரப்பு பயிராக அல்லது ஊடுபயிராக பயிரிட, 17.50 கோடி ரூபாய் நிதி ஒதுக்கப்படும்

* உணவு எண்ணெய் உற்பத்தியை உயர்த்தும் திட்டம், 45 கோடி ரூபாய் மத்திய, மாநில அரசு நிதியில், 2.50 லட்சம் ஏக்கரில் செயல்படுத்தப்படும்

* எள் சாகுபடி பரப்பை அதிகரிக்க, இடுபொருட்கள், அறுவடை செலவினம் மானியம் வழங்க, 3 கோடி ரூபாய் ஒதுக்கப்படும். சூரியகாந்தி சாகுபடி பரப்பு, 12,500 ஏக்கர் அதிகரிக்கப்படும்

* ஆமணக்கு சாகுபடியை, 1,500 ஏக்கரில் ஊக்குவிக்க, 18 லட்சம் ரூபாய் ஒதுக்கப்படும்

* விதை கிராம திட்டத்தில், 15,810 டன் விதைகள், 50 முதல் 60 சதவீத மானிய விலையில் வினியோகம் செய்ய, 35 கோடி ரூபாய் ஒதுக்கப்பட்டுள்ளது

* முக்கிய வேளாண் பயிர்களின் உற்பத்தி திறனை உயர்த்த, 48 கோடி ரூபாய் ஒதுக்கப்படும்

ஒரு கிராமம் ஒரு பயிர்

* கிராமங்களில் மறுமலர்ச்சி ஏற்படுத்த, 25,280 வருவாய் கிராமங்களில், 'ஒரு கிராமம் ஒரு பயிர்' என்ற புதிய திட்டம் செயல்படுத்தப்படும்

* ஆதிதிராவிடர், பழங்குடியினர் பிரிவை சேர்ந்த, குறு, சிறு விவசாயிகளுக்கு, 20 சதவீத கூடுதல் மானியம் வழங்க, 18 கோடி ரூபாய் ஒதுக்கப்பட்டுள்ளது. இதனால் பருத்தி உற்பத்தி, தமிழகத்தில் 5.50 லட்சம் பேல்களாக உயரும்

* பயிர் காப்பீட்டு திட்டத்தை செயல்படுத்த, 1,775 கோடி ரூபாய் ஒதுக்கப்படும்

சிறப்பு ஊக்கத்தொகை

* ஒரு டன் கரும்புக்கு, மத்திய அரசின் ஆதாய விலையுடன், 195 ரூபாய் சிறப்பு ஊக்கத்தொகை வழங்கப்படுகிறது. இத்தொகை, 215 ரூபாயாக உயர்த்தி வழங்கப்படும். இதனால், 1.30 லட்சம் கரும்பு விவசாயிகள் பயன் பெறுவர். இதற்கு, 250 கோடி ரூபாய் ஒதுக்கப்படும்

* கரும்பு சாகுபடி மேம்பாட்டு திட்டத்திற்கு, மாநில அரசு நிதியிலிருந்து, 7.92 கோடி ரூபாய் ஒதுக்கப்படும்

* கள்ளக்குறிச்சி செங்கல்வராயன், செய்யாறு, திருப்பத்துார் கூட்டுறவு சர்க்கரை ஆலைகள், 12.50 கோடி ரூபாயில் மேம்படுத்தப்படும்

* பெரம்பலுார், செய்யாறு, வேலுார், சேலம், மதுராந்தகம், சுப்பிரமணிய சிவா சர்க்கரை ஆலைகளில், 3.60 கோடி ரூபாயில், ஆலை அரவைப் பகுதி தானியங்கி மயமாக்கப்படும்

* சர்க்கரை ஆலைகளின் மேம்பாட்டிற்கு, 12.40 கோடி ரூபாய், ஆலை நிதியிலிருந்து செலவிடப்படும்

இவ்வாறு பட்ஜெட்டில் அறிவிக்கப்பட்டு உள்ளது.