திருப்பத்துார் மாவட்டம், ஆம்பூரை சேர்ந்தவர் ஆட்டோ டிரைவர் சரவணன். இவரது ஆட்டோவில், 7 ஆண்டுகளுக்கு முன் திருமணமாகி, தற்போது விவாகரத்து பெற்று வாழும், 26 வயது பெண், சில நாட்களுக்கு முன் பயணம் செய்தார்.

அந்த பெண்ணிடம், சரவணன் தனிமையில் இருக்க அழைத்துள்ளார். மேலும், ‘நீ அழகாக இருக்கிறாய்; பாலியல் தொழிலில் ஈடுபட்டால் நல்ல பணம் கிடைக்கும்’ என கூறியுள்ளார். இதில், அதிர்ச்சி அடைந்த பெண், அவரது தந்தையிடம் கூறி அழுதுள்ளார்.

இதுகுறித்து, ஆம்பூர் டவுன் போலீசில், அந்த பெண் நேற்று புகார் செய்தார். போலீசார் விசாரித்து, சரவணனை கைது செய்தனர்.