தமிழக அரசு திட்டங்கள் குறித்து கள ஆய்வு செய்ய முதல்வர் ஸ்டாலின், இரண்டு நாள் பயணமாக சிவகங்கை வந்துள்ளார். இன்று காலை, காரைக்குடி அழகப்பா பல்கலை வளாகத்தில் கட்டப்பட்ட தமிழ் நூலக திறப்பு விழாவில் கலந்து கொண்டார்.பிறகு திருவள்ளுவர் சிலையை திறந்து வைத்தார்.

இதனைத் தொடர்ந்து, தி.மு.க., கட்சிப்பணிகள் குறித்து ஆய்வு செய்ய தனியார் திருமண மண்டபத்திற்கு கிளம்பினார். அப்போது, அழகப்பா பல்கலை வாயிலில் இருந்து கல்லூரிச் சாலை, தேவர் சிலை வழியாக கட்சி நிர்வாகிகள் கூட்டம் நடைபெறும் தனியார் மஹால் வரை 4 கி. மீ., தூரம் நடந்து சென்றார். அப்போது, வழியில் நின்றிருந்த மக்களுடன் கைகுலுக்கிய அவர், அவர்கள் அளித்த பூங்கொத்துகளையும் பெற்றுக் கொண்டார். சிலர் முதல்வருடன் செல்பி எடுத்துக் கொண்டனர்.

வழியில் ஸ்டாலினை வரவேற்க பலர் காத்திருந்தனர். இதனால் வாகனத்தில் இருந்து இறங்கிய அவர், சில கி.மீ., தூரம் நடந்து சென்று, வழிநெடுகிலும் காத்திருந்த மக்களை சந்தித்தார். அவர்களுடன் கைகுலுக்கிய ஸ்டாலின், செல்பி எடுத்துக் கொண்டார். ஸ்டாலினுக்கு ஏராளமானோர் பூங்கொத்து கொடுத்தனர்.