இந்தியன் ஆயில், பாரத், ஹிந்துஸ்தான் பெட்ரோலியம் ஆகிய எண்ணெய் நிறுவனங்கள், வீடுகளுக்கு 14.20 கிலோ எடையிலும், வணிகப் பயன்பாட்டிற்கு 19 கிலோ எடையிலும், சமையல் காஸ் சிலிண்டர்களை விற்கின்றன. அவை, சர்வதேச சந்தையில் கச்சா எண்ணெய் விலைக்கு ஏற்ப, மாதத்தின் முதல் நாளில் உள்நாட்டு சமையல் காஸ் சிலிண்டர் விலையில் மாற்றம் செய்கின்றன.

தமிழகத்தில் கடந்த டிசம்பரில், வீட்டு சிலிண்டர் 868.50 ரூபாய்க்கு விற்கப்பட்டது. இம்மாதம் அதன் விலை மாற்றம் செய்யப்படாமல் அதே விலை நிர்ணயம் செய்யப்பட்டுள்ளது.

இந்த விலைக்கு காஸ் சிலிண்டர் வாங்கியதும், மத்திய அரசு வழங்கும் மானிய தொகையை வாடிக்கையாளர்களின் வங்கி கணக்கில் எண்ணெய் நிறுவனங்கள் செலுத்தும்.

கடந்த மாதம் வணிக சிலிண்டர், 1,739.50 ரூபாய்க்கு விற்கப்பட்டது. இம்மாதம் அதன் விலை 110 ரூபாய் உயர்ந்து 1,849.50 ரூபாயாக அதிகரித்துள்ளது.