கேரள மாநிலத்தில், மூளையை தின்னும் அமீபா தொற்றால், இரண்டு மாதங்களில் நான்கு பேர் இறந்துள்ளனர். தமிழகத்தில் இந்த தொற்று பரவாமல் இருக்க, மாவட்ட சுகாதாரத்துறை அதிகாரிகளுக்கு, பொது சுகாதாரத்துறை இயக்குநர் சோமசுந்தரம் அனுப்பியுள்ள சுற்றறிக்கை:

l பொது மக்கள் குறிப்பாக குழந்தைகள், தேங்கி நிற்கும் நீர், மாசடைந்த நீரை, குளிக்க பயன்படுத்த வேண்டாம். இதுகுறித்து உள்ளாட்சி அமைப்புகள் மற்றும் பொது மக்களுக்கு அறிவுறுத்த வேண்டும்

l குளங்கள், ஏரிகள் போன்ற நீர்நிலைகளை சுற்றி, சுகாதார சூழலை உறுதி செய்ய வேண்டும்

l நீச்சல் குளங்களில், சுகாதாரம் உறுதி செய்யப்பட வேண்டும். உள்ளாட்சி அமைப்புகள் மற்றும் தனியார் நிறுவனங்களுக்கு சொந்தமான நீச்சல் குளங்களில், குளோரின் பயன்பாட்டை, சுகாதாரத்துறை அதிகாரிகள் உறுதி செய்ய வேண்டும்

l நீர்நிலைகளுக்கு பொதுமக்கள் செல்வதை தடுக்க உள்ளாட்சி அமைப்புகள் நடவடிக்கை எடுக்க வேண்டும்

l அரசு மற்றும் தனியார் டாக்டர்கள், மூளையை தின்னும் அமீபா தொற்றின் அறிகுறிகளுடன் நோயாளிகள் வந்தால், அவர்களை உரிய மருத்துவமனைகளுக்கு பரிந்துரை செய்ய வேண்டும்.