இதையடுத்து அன்றிரவு, சாதாரண உடையில், கொளக்காநத்தம் அரசு ஆரம்ப சுகாதார நிலையத்துக்கு, கலெக்டர்மிருணாளினி சென்றார். அங்கிருந்த நர்சிடம், தனக்கு உடல் நலக்குறைவு என கூறியுள்ளார். உடலை பரிசோதிக்காமல் ஊசி போட வந்த நர்ஸிடம், 'டாக்டர் இல்லையா... எங்கே?' என கேட்டு, கலெக்டர் கடிந்து கொண்டார். இதன்பின் தான், வந்திருப்பது கலெக்டர்என உணர்ந்த நர்ஸ்கள் திகைத்தனர்.

அங்கு, மருத்துவ பதிவேடுகள் எதுவும் முறையாக பராமரிக்கப்படாமல் இருந்ததை கண்டறிந்தகலெக்டர், நர்ஸ்கள் மீதும், பணி நேரத்தில் மருத்துவமனையில் இல்லாத டாக்டர் மீதும்,துறை ரீதியான நடவடிக்கை எடுக்க, சுகாதாரத்துறை துணை இயக்குநருக்கு உத்தரவிட்டார். கலெக்டரின் இந்த செயல், பொதுமக்களிடம் பாராட்டுக்களை பெற்று வருகிறது.