'பிரதான் மந்திரி அவாஸ் யோஜனா' என்ற பெயரில், பிரதமரின் வீடு கட்டும் திட்டத்தை, மத்திய அரசு செயல்படுத்தி வருகிறது. இதில் வீடு கட்ட, மத்திய அரசு சார்பில், 2.77 லட்சம் ரூபாய் வழங்கப்படுகிறது. இத்திட்டத்தில், 2016 - 2020 வரையிலான காலகட்டத்தில், பல கோடி ரூபாய்க்கு முறைகேடு நடந்துள்ளது. இதுகுறித்து, லஞ்ச ஒழிப்பு போலீசார் வழக்கு பதிவு செய்து விசாரித்து வருகின்றனர்.

நாகை மாவட்டத்தில், 146 பயனாளிகளுக்கு வழங்க வேண்டிய நிதியில், 1 கோடி ரூபாய்க்கு மேல் முறைகேடு நடந்துள்ளது.

இது தொடர்பாக, அம்மாவட்டத்தில் உள்ள பட்டமங்கலம், ஆதமங்கலம், வலிவலம், கோவில் கண்ணாப்பூர், தெற்கு பனையூர், கொடியாலத்துார் என, ஆறு ஊராட்சி அலுவலகங்களில் லஞ்ச ஒழிப்பு போலீசார், நேற்று சோதனை நடத்தினர்.