இதுகுறித்து அரசு விரைவுப் போக்குவரத்துக்கழக மேலாண் இயக்குநர் மோகன் கூறியுள்ளதாவது;

தமிழக அரசு போக்குவரத்துத் துறை சார்பில் வார இறுதி நாட்கள் மற்றும் ஆயுத பூஜையை (தொடர் விடுமுறையை) முன்னிட்டு சிறப்பு பஸ்கள் இயக்கப்பட்டன. சிறப்பு பஸ்களின் இயக்கம் நேற்று (30.09.2025) நள்ளிரவு 12.00 மணி நிலவரப்படி மற்றும் அதிகாலை 02.00 மணிவரை சென்னையிலிருந்து பல்வேறு ஊர்களுக்கு தினசரி இயக்கக்கூடிய 2,092 பஸ்கள் உடன் கூடுதலாக 1,100 பஸ்களும் இயக்கப்பட்டன.

கடந்த 26.09.2025 முதல் 30.09.2025 வரை, தினசரி இயக்கக்கூடிய 2,092 பஸ்களுடன் 2,843 சிறப்பு பஸ்கள் என மொத்தம் 13,303 பஸ்கள் இயக்கப்பட்டன. இந்த பஸ்களில் மொத்தம் 6,91,757 பயணிகள் பயணித்துள்ளனர்.

இவ்வாறு அரசு விரைவுப் போக்குவரத்துக்கழக மேலாண் இயக்குநர் மோகன் தெரிவித்துள்ளார்.