பதிவுத்துறையில் பணியாளர்கள் குறை கேட்பு கூட்டம், வரும் 28 ம் தேதி நடக்க உள்ளது. இதில் பங்கேற்க, குறிப்பிட்ட நான்கு சங்கங்களுக்கு மட்டும் அழைப்பு அனுப்பப்பட்டது.

தங்கள் சங்கத்தை அழைக்காதது குறித்து, தமிழக பதிவுத்துறை எஸ்.சி., - எஸ்.டி., சங்கம் சார்பில், தேசிய எஸ்.சி., - எஸ்.டி., ஆணையத்தில் புகார் அளிக்கப்பட்டது.

இது குறித்து, 15 நாட்களுக்குள் விளக்கம் அளிக்கும்படி, பதிவுத்துறை ஐ.ஜி.,க்கு, ஆணையம் நோட்டீஸ் அனுப்பியது.

இதையடுத்து, பதிவுத்துறை எஸ்.சி., - எஸ்.டி., பணியாளர்கள் சங்கம், பதிவுத்துறை பிற்படுத்தப்பட்டோர் நல சங்கம், பதிவுத்துறை எம்.பி.சி., மற்றும் டி.என்.டி., பணியாளர்கள் சங்கம், பதிவுத்துறை அலுவலர் சங்கம் ஆகியவை, குறை கேட்பு கூட்டத்தில் பங்கேற்க, அழைப்பு விடுக்கப்பட்டுள்ளது.

பதிவுத்துறை தலைவர் இதற்கான கடிதங்களை அனுப்பி உள்ளார்.