இதன் பயனாக, போக்குவரத்துக் கழகங்களில் பணியாற்றி, 2023- ஜூலை முதல், கடந்த ஆண்டு ஏப்ரல் மாதம் வரை ஓய்வு பெற்றவர்களுக்கு, பணப்பலன் வழங்க, ஒரு வாரத்துக்கு முன் அரசாணை வெளியிடப்பட்டது.

எட்டு அரசு போக்குவரத்து கழகங்களிலும், 3,800 ஓய்வூதியர்களின் வங்கி கணக்கில், 1,138 கோடி ரூபாய் நேற்று வரவு வைக்கப்பட்டது.

அரசு போக்குவரத்து ஓய்வூதியர் நல மீட்பு சங்கத் தலைவர் கதிரேசன் கூறியதாவது:

இரண்டு ஆண்டுகளுக்கு முன்னதாக ஓய்வு பெற்றவர்களுக்கு, தற்போதுதான் பணப்பலன் வழங்கப்பட்டுள்ளது. ஓய்வு பெறும் நாளில், ஒரு தட்டும், பொன்னாடையும் மட்டும் கொடுத்து அனுப்பி விடுகின்றனர்.

இந்த நடைமுறையை மாற்றி, அரசு ஊழியர்களை போலவே, ஓய்வு பெறும் நாளில் பணப்பலன் வழங்க நடவடிக்கை எடுக்க வேண்டும்.

இவ்வாறு அவர் கூறினார்.