காலை கொடியேற்றத்திற்கு முன், கொடிமரத்திற்கு சிறப்பு பூஜைகள் நடந்தன. தொடர்ந்து, கொடிமரம் அலங்கரிக்கப்பட்டு, கொடியேற்றம் நடந்தது. அப்போது, திடீரென கொடிமரத்தின் மேல்பகுதி உடைந்து விழுந்தது.

கோவிலின் மேல் தளத்தில் கொடி மரத்தின் உடைந்த பாகம் விழுந்ததால் எந்த பாதிப்பு ஏற்படவில்லை. அதையடுத்து, கோவில் நிர்வாகம் சார்பில் மாற்று ஏற்பாடு செய்து, புதிய கொடிமர கம்பம் அமைக்கப்பட்டு, சிறப்பு பூஜைகள் செய்து, கொடியேற்றப்பட்டது.

கொடிமரம் உடைந்தது குறித்து, ஹிந்து சமய அறநிலையத்துறை அதிகாரிகள் தரப்பில் விசாரிக்கப்படுகிறது.